من المشتريات والتصنيع والمخازن، للمبيعات والتجار وخدمة ما بعد البيع، لحد الحسابات والموظفين والتقارير. كل قسم شايف شغله، والإدارة شايفة الكل بالأرقام الحقيقية.
ONE SYSTEM · EVERY DEPARTMENT · LIVE NUMBERS
اللي اتفتح واتقفل النهاردة، واللي محتاج قرار منك، في شاشة واحدة.
مكان الفني وهو شغّال، والزيارة بالمكان والوقت، ومين اتأخر عن ميعاده.
حد إعادة طلب لكل صنف، وتوقع احتياج قطع الغيار من حركة البلاغات.
بنوك وخزائن وشيكات، وموازنة مقابل الفعلي، وتوقع النقدية ١٣ أسبوع.
الالتزام بالوقت والتكلفة والتكرار، وربحية المنتج بعد الضمان.
| الصنف | الرصيد | حد الطلب | الحالة |
|---|---|---|---|
| موتور غسالة 7 كيلوWM-MTR-07 | 6 | 20 | تحت الحد |
| كارتة تحكم تلاجةRF-PCB-12 | 15 | 18 | قرّب |
| طلمبة صرفWM-PMP-02 | 64 | 25 | تمام |
| كومبروسر 1/4 حصانRF-CMP-25 | 31 | 12 | تمام |
| حساس حرارةAC-SNS-04 | 9 | 10 | قرّب |
شركات في مصر بتدير شغلها على SABK كل يوم
١٦ موديول على قاعدة بيانات واحدة، من إدارة علاقات العملاء وخدمة ما بعد البيع لحد الحسابات والرواتب. شغّل اللي شركتك محتاجاه النهاردة، وافتح الباقي وقت ما تحتاجه من غير ما تغيّر سيستم.
كل اللي محتاجه قسم الخدمة من أول مكالمة العميل لحد ما المصنع يعرف سبب العطل.
من لينك أو كود QR، العميل يكتب بياناته وبيانات الجهاز ويختار ميعاد من الخانات اللي لسه فيها مكان. الخانة اللي اتملت بتتقفل لوحدها حسب عدد الفنيين.
الساعة ٨:٤٥ الصبح كل مشرف وكل موظف متابعة بيوصله ملخص في الجرس. والعميل اللي محدش كلّمه من ٤٨ ساعة بيتصعّد لمدير المتابعة لوحده.
٢ مركز محتاج تدخّل · ٥ متأخر · عيّنة الأسبوع: فاضل ٣ مكالمات.
٤ عملاء محدش اتصل عليهم من ٤٨ ساعة.
بلاغ #20431، فاضل ساعتين على الوقت المستهدف.
العميل يمسح الكود اللي على الجهاز ويفعّل ضمانه، والسيريال بيتربط بملف الجهاز من المصنع لحد العميل. والبلاغ مايتقفلش غير بكود بيوصل للعميل.
أدوات بتقيس اللي العميل بيحسّه فعلًا: محدش كلّمني، الفني ماجاش، اتصلت كذا مرة. وبتقولك التأخير جاي منين.
كل أسبوع صفحة واحدة بتتعمل لوحدها: الداخل واللي اتقفل والمتأخر ومن أول زيارة، جنب الأسبوع اللي فات. وكل قرار بيتكتب باسم صاحبه وميعاده، ولو عدّى الميعاد السيستم بيفكّره كل يوم.
أول تواصل في الوقت: ٧٨٪ (الأسبوع اللي فات ٧١٪).
قرار: طلب شراء لأكتر ٥ قطع · المسؤول: المخازن · لحد الخميس.
الحِمل ١٤٠٪ من الوسيط · قرار: نقل فني من مركز تاني.
طريقة شغل كاملة داخل البلاغ: الجهاز له باركود وعهدة من أول ما العميل يسلّمه لحد ما يستلمه تاني — وكل مرحلة متسجلة بالصور والتوقيع والمكان.
باركود للجهاز وصور إثبات لحالته لحظة الاستلام.
السواق بيمسح كل جهاز، والعهدة بتتنقل رسمي باسمه.
الورشة المركزية شغالة والبلاغ بيتحدث أول بأول.
مرحلة QC قبل ما الجهاز يخرج من الورشة.
الجهاز راجع لنفس النقطة بمسح وعهدة بنفس إجراءات الذهاب.
بكود أو توقيع أو مندوب معتمد — والبلاغ بيتقفل.
المساعد بيرد من معلومات شركتك وقواعد الضمان الخاصة بيها، وبيقدر يجهّز إجراء زي تغيير ميعاد أو فتح بلاغ. أي إجراء حساس بيستنى موافقة موظف قبل ما يتنفذ، وبيتفعّل بمفتاح ذكاء اصطناعي باسم شركتك.
محادثات بين الموظفين والمراكز والفنيين داخل SABK نفسه، فالكلام عن البلاغ بيفضل جنب البلاغ، ومحدش بيدوّر على رسالة في جروب.
كل بوابة بتوري صاحبها اللي يخصه بس، وكلها بتكتب في نفس السيستم — والدخول بكلمة سر أو كود واتساب.
يسجل بلاغه ويتابعه، يفعّل ضمان جهازه بـ QR، ويشوف فواتيره ويدفع أونلاين.
أبلكيشن أندرويد (ونسخة iOS بتتجهز للنشر على آب ستور): زيارات اليوم ومسارها، طلب قطع غيار، إقفال بكود العميل، ودخول بالبصمة.
بلاغاته ومواعيده وكشف حسابه وتقييمه الشهري.
يطلب بضاعة بأسعاره، يسجّل ضمان، ويشوف كشف حسابه — والمندوب يسجل بلاغات من عنده.
يأكّد أوامر الشراء، ويشوف مطالبات الضمان وتقييمه.
API بمفاتيح للبلاغات والأجهزة والضمان، وإشعارات تلقائية للأنظمة التانية.
أبلكيشن متوصّل بالسيستم على طول، مبني بتقنية واحدة لأندرويد وiOS — نسخة أندرويد بتترفع على جوجل بلاي باسم شركتك، ونسخة iOS بتتجهز للنشر على آب ستور. مفيش ورق بيرجع آخر اليوم، ومفيش «هبعتلك صورة على الواتساب».
لكل منتج دروس بالمستوى فيها فيديو وصور، وأكواد الأعطال اللي بتظهر على شاشة الجهاز. الفني يكتب الكود فيعرف معناه ويعمل إيه، من البلاغ نفسه وهو عند العميل.
الجهاز كاتب E4؟ الفني يكتبه زي ما هو، والسيستم يرد بمعنى الكود حسب المصنع وخطوات الإصلاح، والدرس اللي بيشرحه بالفيديو. كود منتج البلاغ بيطلع الأول.
أكواد الجهاز غير تصنيف العطل في البلاغ (حسب العميل والفني والإجراء)، وده بتبنيه كل شركة لنفسها في السيستم.
فيديو قصير لكل خطوة، يتشاف وهو واقف قدام العميل. الإدارة ترفع فيديوهات المصنع أو تصوّر بنفسها، وتحطها في الدرس بالمستوى.
رسم مفكك لكل موديل، كل نقطة فيه مربوطة بكود القطعة في المخزن. الفني يضغط على القطعة في الرسمة، يشوف رصيدها، ويطلبها للبلاغ. مفيش «القطعة اللي جنب الموتور» تاني.
مش موك-أب — سكرينشوتات من السيستم نفسه، ببيانات مثال. اضغط على أي شاشة تتكبر.
لأ. بتشغّل الموديولات اللي محتاجها، والباقي يفضل مقفول لحد ما تحتاجه. البيانات كلها على نفس السيستم، فمفيش نقل بيانات لما تفتح موديول جديد.
أيوه. المستوردين والموزعين ومراكز الخدمة بيشتغلوا من غير موديول الإنتاج، ويستخدموا المشتريات والمخازن والمبيعات والخدمة والمالية.
كل مركز ليه بوابته ويشوف بلاغاته بس، والمشرف يشوف المراكز اللي تبعه، والإدارة تشوف الكل.
موبايل أندرويد عليه الأبلكيشن، وبيتنزّل من جوجل بلاي باسم شركتك ولوجو شركتك (ونسخة iOS بتتجهز للنشر على آب ستور). الفني بيشوف زياراته ومسارها ويطلب قطع الغيار ويقفل البلاغ بكود العميل، وبيشتغل حتى لو النت قطع.
بترفع ملفات إكسيل للعملاء والأجهزة المباعة والموديلات وقطع الغيار والموردين والتجار والمراكز والفنيين وأرصدة المخزن الافتتاحية. السيستم بيوريك اللي هيتضاف واللي فيه مشكلة قبل الحفظ، ولو حصل غلط تقدر ترجّع الرفع كله.
كل شركة ليها نسختها وقاعدة بياناتها لوحدها. نسخة احتياطية من قاعدة البيانات كل يوم ومن المرفقات كل أسبوع على سيرفر شركتك، ومدير النظام عندكم بينزّل أي نسخة بنفسه، من غير أي اطلاع على الكود.
أيوه، بالعربي والإنجليزي، والموظف يختار اللغة اللي تريّحه.
أيوه، فيه API بمفاتيح وإشعارات تلقائية، وبوابات للموردين والتجار.
في ٣٠ دقيقة هنمشي معاك من طلب الشراء لحد البيع والصيانة والتقارير، على الموديولات اللي تهمّك، ونشوف سوا SABK ينفع شركتك ولا لأ. ولو حابب تجرّب بنفسك، بنفتحلك نسخة تجريبية فيها بيانات مثال.